Për çdo lojtar në botë do të ishte normale të kalonin katër ndeshje pa shënuar gol. Por kur kjo i ndodh Lionel Messi-t, ka diçka që nuk shkon, Megjithatë, argjentinasit iu deshën vetëm 14 minuta lojë në ndeshjen e të shtunës kundër Eibar, për të prishur “thatësirën”.
Më pas vërshuan edhe dy gola të tjerë brenda pjesës së parë, dhe një tjetër në të dytën, për t’i dhënë fitoren Barcelona-s para një jave intensive ku fillimisht bën vizitë në Napoli të martën, për Champions League, e më pas udhëton për në “Bernabeu” ku e pret dueli i drejtpërdrejtë për titull.
Në një ndeshje pa shumë histori, Barcelona dominoi edhe në pjesën e dytë, ku përveç numrit 10, shënoi edhe Arthur, një minutë nga fundi, për të plotësuar “shuplakën” ndaj kundërshtarëve, dukshëm inferiorë.
Barcelona merr kreun e renditjes, të paktën për pak orë, pasi Real Madrid luan kundër Levante-s në mbrëmje. (A2 Televizion)
A2 CNN Livestream
MUND TE LEXONI GJITHASHTU
