Katër bashkitë e Dibrës janë fituar në mënyrë plebishitare për drejtuesen politike të këtij qarku, Belinda Balluku.
Në një intervistë të dhënë për gazetarin Armand Bajrami, ministrja Balluku u shpreh ndër të tjera se për PS-në, qershia mbi tortë ka qenë Klosi. Kjo bashki sipas saj, ka qenë një bastion i djathtë që “mbahej peng” nga Partia Demokratike.
“Jemi shumë të lumtur sepse këta kryetarë bashkie do të përfaqësojnë të majtët, të djathtët. Do të përfaqësojnë qytetarët, të ardhmen”, deklaroi Balluku.
Drejtuesja politike e PS-së për qarkun Dibër solli po ashtu në vëmendje se Rahim Spahiu pati një vit kohë që të tregonte veten dhe që qytatarët ta njihnin.
Kurse, ky i fundit tha për mikrofonin e A2 CNN se nuk i mbetet gjë tjetër tashmë veçse të vijojë punën për të çuar përpara projektet.
“Diferenca ishte e madhe, por ne e prisnim këtë rezultat. Qeveria ka bërë punë këtu. Kohët e fundit, vëmendja e qeverisë ka qenë nga Dibra”, shtoi ai.
Sipas të dhënave të Komisionit Qendror të Zgjedhjeve, në Dibër Rahim Spahiu ka siguruar 16.061 vota, kandidati i koalicionit opozitar “Bashkë Fitojmë”, Ismail Uka numëron 6432 vota dhe Naim Gazidede numëron 1236 vota. (A2 Televizion)
A2 CNN Livestream
MUND TE LEXONI GJITHASHTU
