Republikanët po përgatiten për zgjedhjet. Gjatë mbledhjes së shtabit elektoral në Tiranë, kryetari i PR, Fatmir Mediu, shprehu bindjen se do të sigurojë më shumë se një deputet në kryeqytet në parlamentin e vitit 2021.
Por, ai akuzoi kryeministrin Rama se ka sabotuar çdo mundësi për zgjedhje të lira dhe të ndershme. “Janë vendosur afate, të cilat janë para mbarimit të Kodit Zgjedhor. Kjo është një situatë jashtëzakonisht absurde, e krijuar në mënyrë të qëllimshme nga ana e Ramës, i cili tashmë tregon qartësisht një prirje të vetme, të krijojë jo vetëm konfuzion politik, por edhe probleme ligjore, në mënyrë që të mos kemi zgjedhje të lira dhe të ndershme. Propozimi që ka përcjellë Edi Rama në Parlament është mbyllja e listave dhe pamundësia për të krijuar konkurrim”, u shpreh kreu republikan.
Madje, sipas Mediut, Rama po bën diversion dhe brenda opozitës. “Edi Rama do të zbatojë çdo lloj praktike dhe taktike elektorale dhe ligjore për ta përçarë opozitën shqiptare. Edi Rama do të tentojë deri në fund t’i manipulojë zgjedhjet”.
80% e strukturave drejtuese, me të cilat Partia Republikane po përgatitet për zgjedhje, janë të rinj. (A2 Televizion)
A2 CNN Livestream
MUND TE LEXONI GJITHASHTU
