Zëvendësministri i Brendshëm, Besfort Lamallari, është caktuar si koordinator për qarkun e Shkodrës, në përballimin e situatës së pandemisë së koronavirusit. Komandimi i Lamallarit erdhi pas shkarkimit të prefektit të Shkodrës, Çesk Millja, disa ditë më parë, pasi ministri i Brendshëm konstatoi neglizhencë në marrjen e masave që parandalonin grumbullimet masive, sidomos në tregje.
Këtë paradite, Lamallari, i shoqëruar nga Drejtorit i Përgjithshëm i Policisë, Ardi Veliu, dhe shefi i shtabit të Forcave të Armatosura, Bardhyl Kollçaku, kanë inspektuar sërish tregjet.
Vetë Lamallari u ka kërkuar qytetarëve të Shkodrës bashkëpunim për kalimin me sukses të kësaj krize. Ndërsa kreu i Policisë së Shtetit deklaroi se qëllimi i masave nuk është ndëshkimi i qytetarëve shkodranë.
Aktualisht, Shkodra është qyteti i dytë me numrin më të lartë të rasteve të konfirmuara me koronavirus, plot 70, duke mbetur vetëm pas Tiranës, me 221 raste. (A2 Televizion)
A2 CNN Livestream
MUND TE LEXONI GJITHASHTU
