Kaso: Përflitet se për Tiranën do ketë kandidat të lidhur me SPAK-un

Ivi Kaso, deputet i Partisë Demokratike, u shpreh se për Bashkinë e Tiranës “ka kandidatë që përfliten se janë më shumë të lidhur me SPAK-un sesa me Partinë Socialiste”.

“Rama e shikon që nuk e ka të lehtë të fitojë Tiranën përballë një opozite të bashkuar. Veliaj mund të ketë edhe ndonjë interes ta largojë Bashkinë e Tiranës nga ndonjë kandidat që përflitet që mund të jetë i lidhur me SPAK-un, kështu që mund ta ketë edhe reagim “kur nuk e kam unë, mos ta marrë as SPAK-u”. Por, këto janë në kuadër të thashethemeve”, tha Kaso në studion e “Off the Record” nga Andrea Danglli, në A2CNN.

Kaso shtoi se “ka kandidatë që përfliten se janë më shumë të lidhur me SPAK-un sesa me Partinë Socialiste”. (A2 Televizion)