Më shumë se 31 milionë vetë në të gjithë botën janë prekur nga Covid-19. Sa i përket viktimave, infeksioni ka shkaktuar mbi 960 mijë jetë të humbura.
Shtetet e Bashkuara të Amerikës vijojnë të jenë vendi më i prekur. Por qeveria e presidentit, Donald Trump, mbron menaxhimin e pandemisë, me Sekretarin e Shëndetësisë që vlerëson reagimin ndaj krizës.
Por shifrat tregojnë të kundërtën. 6.8 milionë janë të infektuarit me koronavirus në SHBA, ndërsa jetët e humbura janë rreth 200 mijë. Entuziazmi i Trump për të promovuar një vaksinë nuk është pritur mirë nga amerikanët.
Presidenti mbetet pas rivalit demokrat Joe Biden në sondazhet kombëtare. 69% e amerikanëve nuk i besojnë deklaratave të Trump për vaksinën kundër Covid-19, sipas një sondazhi të ABC dhe Ipsos.
Duke kaluar në anën tjetër të globit, vjen një shembull pozitiv në menaxhimin e pandeminë. Zelanda e Re ka njoftuar heqjen e të gjitha masave kufizuese anti-covid.
“Siç mund ta shikoni, veprimet tona kolektive kanë bërë që ta mbajmë virusin nën kontroll. Pa asnjë rast të ri në vend dhe 7 ditë radhazi pa asnjë rast të ri me vatrën në Okland, ne jemi në një pozicion të fuqishëm për lëvizjen e radhës, heqjen e kufizimeve tona”, tha kryeministrja e vendit.
Zelanda e Re ka raportuar që prej nisjes së pandemisë, 1400 të infektuar me koronavirus dhe vetëm 25 viktima. (A2 Televizion)
A2 CNN Livestream
MUND TE LEXONI GJITHASHTU
