I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, nis të enjten vizitën dyditore në Prishtinë, e cila synon të përgatisë terrenin për raundin e ri të dialogut.
Lajçak pritet të takohet me krerët e institucioneve shtetërore dhe me ata të partive opozitare. Siç ka bërë të ditur BE-së, pas qëndrimit në Kosovë, më 13 dhe 14 mars zyrtari europianë do të vizitojë edhe Beogradin.
Ndalesa e Lajçak në rajon vjen pas takimi të 27 shkurtit në Bruksel, mes Kryeministrit Albin Kurti dhe Presidentit Aleksandar Vuçiç, ku e pranuan planin për europian për normalizimin e raporteve, por nuk e firmosen atë.
Takimi i radhës është caktuar për në datën 18 mars në Ohër të Maqedonisë së Veriut, dhe sipas BE-së qëllimi kryesor tani është që palët të pajtohen rreth modaliteteve për zbatimin e propozimit europian.
Brukseli tha se përmes vizitave në Prishtinë dhe Beograd, Lajçak synon që të ndihmojë palët të finalizojnë diskutimet për planin e zbatimit. (A2 Televizion)
A2 CNN Livestream
MUND TE LEXONI GJITHASHTU
