17 herë kampionë të basketbollit amerikan. Los Angeles Lakers janë rikthyer në fronin e NBA ndërsa kanë barazuar rekordin historik të titujve që mbahej nga Boston Celtics.
Lakers mundën Miami Heat edhe në ndeshjen e gjashtë në serinë e finaleve, duke i dhënë fund maratonës së ndeshjeve me rezultatin e përgjithshëm 4-2. Në aktin e fundit, skuadra nga Los Angeles triumfoi bindshëm në shifrat 106-93.
LeBron James me trofeun e titullit kampion dhe atë të MVP të Finaleve 
LeBron James dhe Anthony Davies 
LeBron James 
LeBron James dhe Anthony Davies 
LeBron James 
LeBron James ngre trofeun e MVP të finaleve 
Dwight Howard dhe LeBron James 
Dwight Howard dhe LeBron James 
LeBron James, 4 herë MVP i Finaleve 
Anthony Davies 
Rajon Rondo
Takimi u dominua plotësisht nga Lakers, ndërsa titulli nisi të ndihej që në periodën e dytë, të cilën ekipi i udhëhequr nga dyshja LeBron James-Anthony Davies e mbylli me një diferencë të frikshme prej gati 30 pikësh.
28 pikë, 14 topa në tabelë dhe 10 asist nga LeBron James në këtë ndeshje dhe MVP i Finaleve për herë të katërt në karrierë për basketbollistin që ka fituar 4 unaza kampioni me 3 ekipe të ndryshme (Miami Heat, Cleveland Cavaliers dhe Los Angeles Lakers).
Lakers kthehen te titulli në NBA pas një thatësire prej një dekade, ndërsa suksesi i këtij sezoni i dedikohet legjendës së këtij klubi, i cili u nda nga jeta në fillim të këtij viti, Kobe Bryant. (A2 Televizion)
A2 CNN Livestream
MUND TE LEXONI GJITHASHTU
