Forcat ruse shtuan sulmet ndaj trupave ukrainase dhe objekteve ushtarake në vijat e frontit në vende si Kupyansk, Bundman dhe Bakhmutin perëndimor gjatë 24 orëve të fundit.
Lajmin e konfirmoi për mediat Ministria ruse e Mbrojtjes sipas të cilës kjo ishte përgjigjja e ofensivës ukrainase të nisur të enjten në drejtim të Soledarit.
Kësisoj u bë e mundur zmbrapsja e të gjitha sulmeve të ushtrisë se Kievit. Por dje ishte zëvendësministrja e Mbrojtjes në Ukrainë, që njoftoi se ushtria vendase ka përparuar rreth dy km rreth Bakhmutit pa humbur asnjë pozicion.
Shefi i politikës së jashtme të BE-së, Josep Borrell ndërkohë u bëri thirrje sot vendeve anëtare të BE-së që të "përshpejtojnë" dërgesat e armëve për forcat ukrainase dhe t'i furnizojnë ato me sisteme artilerie me rreze të gjatë për t'iu përgjigjur sulmeve ruse.
“Ukrainasit kanë nevoja të veçanta. Rusët po i bombardojnë nga një distancë e gjatë, kështu që ata duhet të kenë aftësinë për të arritur të njëjtat distanca, të njëjtën rreze”, shtoi ai pas video konferencës me ministrin e Jashtëm ukrainas, Dmytro Kuleba në Stokholm.
Qeveria britanike njoftoi të enjten se do të furnizojë forcat ukrainase me raketa lundrimi me rreze të gjatë Storm Shadow. (A2 Televizion)
A2 CNN Livestream
MUND TE LEXONI GJITHASHTU
