Sali Berisha e cilësoi si përpjekje të Edi Ramës, betejën ligjore të grupimit të Alibeajt për të marrë vulën e Partisë Demokratike.
“Mungesa e avokatit në seancën e djeshme në gjykatën e Apelit është makinacion i Edi Ramës. Nuk kemi në fokus asnjë njeri tjetër përveç Edi Ramës. Demokratët e dinë. Ai është njeriu që kërkon të konfiskojë flamurin e demokratëve”.
Kërkesën e Alibeajt për alternimin e sondazheve me primaret, në përzgjedhjen e kandidatëve të opozitës për kryetarë bashkie, Berisha nuk e hodhi poshtë, por zgjidhjen e dhënë prej tij e cilëson si më efektive.
“Nuk kam asgjë me sondazhet, por nuk mund të zëvendësojnë votat”.
Berisha foli dhe për protestën e 12 nëntorit, të cilën e parashikoi si brëndakuadrit të mosbindjes civile.
“Ka një frymë urrejtje e revolte të papërmbajtur. Njerëzit me padurim po presin datën 12. Njerëzit thonë pse po vonohet kjo. Një situatë inkandeshente, më mirë se kushdo tjetër e ndjen Edi Rama që shkon e struket në strofulla”.
Protestën, Berisha e cilësoi dhe si një mundësi që demokratët të tregojnë forcën e vërtetë edhe para atyre që duan të marrin partinë. (A2 Televizion)
A2 CNN Livestream
MUND TE LEXONI GJITHASHTU
