Detaje të reja kanë dalë nga ngjarja e rëndë në shkollën e Kazanit në Rusi ku mbetën të vrarë 7 nxënës dhe 1 mësues, si dhe u plagosën 16 persona të tjerë.
Sipas policisë, autori i ngjarjes është identifikuar si 19-vjeçari Ilnaz Galyaviev, një ish nxënës i shkollës ku kreu sulmin.
Ilnaz Galyaviev shfaqet në disa video sigurie përgjatë rrugës për në shkollë duke ecur qetësisht, me armën automatike në dorë, me të cilën bëri masakrën.
19-vjeçari u arrestua nga policia ruse dhe në momentet e para iu tha efektivëve se ishte “Zoti” dhe se “i urrente të gjithë”. Pas verifikimeve rezultoi se Galyaviev kishte leje për armën e tij.
Nga sa raportohet nga autoritetet, bilanci i viktimave pritet të rritet dhe më tej, pasi shumë nga të plagosurit janë në gjendje të rëndë shëndetësore. (A2 Televizion)
A2 CNN Livestream
MUND TE LEXONI GJITHASHTU
