Në Rinas mbërrijnë çdo ditë persona nga kombësi të ndryshme, por fokusi i kontrolleve bie mbi ata që vijnë nga vendet e prekura nga koronavirusi.
Shefi i Policisë Kufitare, Eduart Merkaj, në mbledhjen e Task Forcës, shpjegoi rolin e uniformave blu në masat kundër përhapjes së koronavirusit.
“Për të marrë informacionin e duhur për ata shtetas, të cilët kanë ardhur nga vendet ku është evidentuar ky koronavirus. Ne kemi përgatitur pyetësorët përkatës që u bëhen të gjithë shtetasve shqiptarë apo të huajë, të cilët hyjnë në Shqipëri”, tha Merkaj.
Ndërsa shefi i ekipit të mjekëve që inspektojnë Rinasin përmendi statistika të kontrolleve. “Vetëm një ditë më parë i është matur temperatura më shumë se 2 mijë personave”.
Ndërkaq, duket se situata në aeroportin e vetëm të vendit ishte brenda normalitetit, pasi u realizuan të gjitha fluturimet.
Ndonjë pasagjer në nisje nga Rinasi, që kishte marrë me vete maskën, ishte e vetmja pamje ndryshe nga përditshmëria e një dite të zakonshme në aeroport. (A2 Televizion)
A2 CNN Livestream
MUND TE LEXONI GJITHASHTU
