Nuk kanë të ndalur protestat në rrugët e Bolivisë të filluara prej disa javësh. Pas protestave të dhunshme që çuan në largimin e presidentit Evo Morales në ekzil, kësaj radhe në rrugët e Cochabambas kanë dalë mbështetësit e ish presidentit indigjen, të cilët u përplasën dhunshëm me forcat e rendit.
Si pasojë e përleshjeve mes mbështetësve të Morales dhe forcave të policisë, 8 persona raportohet të kenë humbur jetën ndërsa 100 të tjerë mendohet se janë plagosur.
Presidenti Morales u detyrua të jepte dorëheqjen të dielën e kaluar pas presionit në rritje nga ushtria dhe policia, në lidhje me akuzat për manipulimin e procesit zgjedhor të 20 tetorit, i cili i dha atij një mandat të ri presidencial. Më pas, Evo Moral udhëtoi drejt Meksikës dhe strehohet në këtë vend. (A2 Televizion)
A2 CNN Livestream
MUND TE LEXONI GJITHASHTU
