Mbyllet Festivali në Venecia, por maja e kinematografisë italiane këtë vit vendosi t’i japë çmimin më të madh, Luanin e Artë, filmit francez “L’évenement” të regjisores franko-libaneze Audrey Diwan, mbi temën dramatike të abortit të paligjshëm, ku interpreton aktorja shqiptare nga Kosova, Luana Bajrami.
Mbyllet Festivali në Venecia. Fiton Luanin e Artë, filmi francez “L’évenement” i regjisores franko-libaneze Audrey Diwan 
Filmi fitues trajton temën dramatike të abortit të paligjshëm dhe sheh interpretimin e aktores shqiptare nga Kosova, Luana Bajrami 
Luana Bajrami 
Aktore më e mirë u shpall Penelope Cruz, që triumfoi me filmin e mikut të saj Pedro Almodovar, “Madres parallelas” 
Çmimi special i Jurisë shkoi ndërkohë për filmin autobiografik “E stata la mano di Dio” i regjisorit italian Paolo Sorrentino 
Ben Affleck dhe Jennifer Lopez ishin më të priturit në pasarelë, me Affleck protagonist i filmit 'The Last Duel'
Çmimi special i Jurisë shkoi ndërkohë për filmin autobiografik “E stata la mano di Dio” i regjisorit italian Paolo Sorrentino, që si gjithmonë kishte në film aktorin e njohur Tony Servillo, protagonist i sukseseve të Sorrentinos si “Il Divo” dhe “La grande bellezza”.
Aktori më i mirë u shpall John Arcilla me filmin “On the job” mbi korrupsionin e politikanëve dhe kompromiset e mediave.
Aktore më e mirë u shpall “mbretëresha” Penelope Cruz, protagoniste e dy filmave në festival, por që triumfoi me filmin e mikut të saj Pedro Almodovar, “Madres parallelas” në rolin e një mamaje single. “Fitorja është e Pedros, 100%”, deklaroi aktorja spanjolle. (A2 Televizion)
A2 CNN Livestream
MUND TE LEXONI GJITHASHTU
