Kevin McCarthy ia del të zgjidhet Kryetar i Dhomës së Përfaqësuesve në SHBA. Pavarësisht se republikanët kanë shumicën në kongres, u deshën 15 raunde votimi që ai të fitonte detyrën.
Fitorja e McCarthy erdhi pas një fushate presioni dramatik të luajtur drejtpërdrejtë në dhomën e Përfaqësuesve, ndërsa rebelit të partisë Matt Gaetz i kërkohej të votonte për te. Kongresmeni i Floridës ishte në mesin e gjashtë anëtarëve që u dorëzuan në fund.
Pas konfirmimit të tij, McCarthy shkroi në Twitter: “Shpresoj që një gjë të jetë e qartë pas kësaj jave: Unë kurrë nuk do të dorëzohem. Dhe nuk do të dorëzohem kurrë për ju, popullin amerikan. Para medias McCarthy falënderoi ish-presidentin Donald Trump që e ndihmoi të merrte votat, duke u thënë gazetarëve: "Unë mendoj se askush nuk duhet të dyshojë në ndikimin e tij”.
Presidenti i SHBA, Joe Biden, e përgëzoi zotin McCarthy për fitoren e tij dhe tha se mezi priste të bashkëpunonte me Partinë Republikane. “Populli amerikan pret që liderët e tyre të qeverisin në një mënyrë që vendos nevojat e tyre mbi gjithçka tjetër, dhe kjo është ajo që ne duhet të bëjmë tani”, tha ai. (A2 Televizion)
A2 CNN Livestream
MUND TE LEXONI GJITHASHTU
