Arkivoli i Diego Armando Maradonës u vendos në hyrje të pallatit presidencial ku mijëra vetë parakaluan për t’i dhënë lamtumirën e fundit ikonës së futbollit. Por që një natë më parë, kur u dha lajmi për vdekjen e tij, tifozët mbushën rrugët e Buenos Airesit për të përkujtuar idhullin e tyre.
“Maradona për mua, është gjëja më e bukur që më ka ndodhur në jetë. E dua po aq shumë sa babain tim, më duket sikur vdiq im atë”, tha një tifoz 22-vjeçar.
Mijëra të tjerë u mblodhën para stadiumit të Argentinos Juniors, ku nisi karriera e atij që më vonë do të konsiderohej si lojtari më i mirë i të gjitha kohërave. Homazhe për të u kryen edhe në Napoli, qytetin që lumturoi pasi i dha dy tituj kampion në vitet 1980. (A2 Televizion)
A2 CNN Livestream
MUND TE LEXONI GJITHASHTU
