Rindërtim shpirtëror të Shkupit e ka cilësuar kritiku letrar Agim Baçi romanin më të ri të Kim Mehmetit të quajtur “Mëhalla e grave”. Sipas tij, përmes këtij libri, autori tregon që historia e këtij qyteti nuk mund të shuhet. I gjithë përshkrimi vjen përmes një zëri, që i referohet zërave të heshtur për të thënë historinë.
““Mëhalla e grave” dhe Shkupi shkojnë si muzika dhe muzikanti. Rindërtohet historia. Kim Mehmeti tregon që historia e këtij qyteti nuk mund të shuhet. Gruaja dhe qyteti janë rrugët e pafundme, ka bërë një identifikim shpirtëror. Kim Mehmeti është një gjuhëtar shumë i mirë i raportit shpirtëror të njeriut me qytetin. Identifikimi mes gruas e qytetit është shumë interesant. I gjithë përshkrimi vjen përmes një zëri që i referohet zërave të heshtur për të thënë historinë”, thekson Baçi.
Për Baçin “Mëhalla e grave”është një libër për njeriun që të kujtojë vetveten me gjithçka të tij kemi nevojë për heroin e përditshëm.
Romani “Mëhalla e Grave”, ku në qendër të tij është gruaja është një histori imagjinare e së shkuarës së Shkupit, që vjen përmes betejash, sfidash, triumfesh dhe që të shtyn pashmangshmërisht drejt thellësive të shpirtit njerëzor dhe të ekzistencës sonë në përgjithësi. (A2 Televizion)
A2 CNN Livestream
MUND TE LEXONI GJITHASHTU
