Merret vendimi: Trajnim për fatkeqësitë natyrore gjatë shërbimit ushtarak

Autoritetet turke kanë ndërmarrë një nismë sipas të cilës, të gjithë ata që do t’i nënshtrohen shërbimit ushtarak, do të marrin njëkohësisht për një periudhë 1-mujore edhe trajnim mbi sjelljen në rast të fatkeqësive natyrore.

Sipas zyrtarëve turq, nëse diçka e tillë ndodh në Japoni apo Kili, atëherë pse të mos aplikohet edhe në Turqi, duke pasur parasysh faktin se zona është e rrezikuar nga lëkundjet sizmike.

Ndërkohë, sa i përket çështjes së strehimit të të prekurve nga tërmeti, mësohet se janë përgatitur zona të tjera strehimi të përkohshme për 4.5 milionë qytetarë.

Ndërkohë, në vend po aplikohet edhe sistemi i paralajmërimit të hershëm. Të bazuar në fibra optike prej 50 kilometrash, të cilat falë 5 mijë sensorëve dhe përdorimit të inteligjencës artificiale, do të bëjë të mundur maksimalizimin e gatishmërisë dhe reagimit në rast tërmeti. (A2 Televizion)