Presidenti Ilir Meta ka kujtuar sot eksodin e 30 viteve më parë, kur rreth 20 mijë shqiptarë zbarkuan në brigjet e Italisë.
“Si sot 30 vite më parë, më 8 gusht 1991, rreth 20 mijë shqiptarë zbarkuan në brigjet e Italisë, në kërkim të lirisë dhe shpresës, duke i dëshmuar botës tragjedinë dhe mjerimin e popullit më të shtypur dhe të izoluar të kontinentit”.
Kreu i shtetit e ka konsideruar gjithnjë shpopullimin si dramën më të madhe të vendit dhe ndërsa kujton anijen “Vlora” apelon për reflektim mbi sakrificat e jashtëzakonshme njerëzore, për të ndërtuar një të ardhme më të mirë për qytetarët.
“Anija ‘Vlora’, me të gjithë simbolikën, emocionet e forta dhe kujtimet e gjalla që risjell, na fton për një reflektim të thellë mbi sakrificat e jashtëzakonshme njerëzore, në emër të së cilave duhet të punojmë, për të ndërtuar një të ardhme më të mirë dhe dinjitoze për qytetarët tanë, veçanërisht kur shpopullimi është drama më e madhe, që po i ndodh vendit”. (A2 Televizion)
A2 CNN Livestream
MUND TE LEXONI GJITHASHTU
