Një mjek, i cili ka qenë ndër të parët që ka mbërritur pranë Kullave Binjake ndërsa digjeshin më 11 shtator 2001, ka publikuar fotografi të pabotuara ndonjëherë nga përpjekjet e skuadrave të shpëtimit pak minuta pasi dy avionë të marrë peng nga terroristët u përplasen me dy kullat e Qendrës Tregtare Botërore, duke bërë që të shembeshin totalisht.
Pasi pa kullat në flakë atë 11 shtator, doktori Emil Chynn, i cili ishte duke shëtitur qenin e tij në ato çaste, nxitoi të afrohej për të mësuar çfarë kishte ndodhur. Kur mbërriti në vendin e ngjarjes e gjeti veten të rrethuar nga gërmadha dhe tym. Përgjatë ditëve në vijim, mijëra zjarrfikës, punëtorë ndërtimi, pjesëtarë të ndihmës së shpejtë dhe vullnetarë u mblodhën rreth zonës për të kërkuar për të mbijetuar dhe për të pastruar mbetjet.
18 persona u shpëtuan të gjallë nga poshtë gërmadhave, por mijëra të tjerë humbën jetën të nën to. Në total, nga sulmet e 11 shtatorit 2001 vdiqën 2977 persona, përfshi edhe viktimat e sulmit mbi Pentagon dhe një avioni të katërt, që u rrëzua nga vetë pasagjerët heronj në Pensilvani. (A2 Televizion)
A2 CNN Livestream
MUND TE LEXONI GJITHASHTU
