Pamje tragjike vijnë nga Kenia, ku më shumë se 20 persona humbën jetën pasi autobusi me të cilin po udhëtonin u gëlltit nga uji që kishte përmbytur rrugën.
Autobusi i mbushur me të rinj, pjesë të korit të një kishe, po udhëtonte për të marrë pjesë në një ceremoni martesore, të shtunën e kaluar. Edhe pse rruga ishte e mbushur me ujë, shoferi vendosi të rrezikonte dhe të kalonte në anën tjetër, por vendimi rezultoi fatal.
Kur kishte përshkruar pjesën më të madhe të rrugës, autobusi u përmbys dhe u fundos me shpejtësi. Njerëzit që po shihnin gjithë ngjarjen, nxituan të shpëtonin udhëtarët, por vetëm 10 prej tyre mbijetuan. Më vonë, skuadrat e shpëtimit nxorën nga uji 23 trupa të pajetë.
Incidenti ndodhi përgjatë lumin Enziu, në një zonë rreth 150 kilometra larg kryeqytetit të Kenias, Nairobi. (A2 Televizion)
A2 CNN Livestream
MUND TE LEXONI GJITHASHTU
