“Mu duk se do të dështoja”, kaligrafisti i Pavarësisë, Shyqyri Nimani tregon emocionet e 15 viteve më parë

Shyqyri Nimani është njeriu që ka shkruar me kaligrafi deklaratën e Pavarësisë, dokumentin historik me të cilin Kosova u shkëput përgjithmonë nga Serbia. Në një intervistë për A2 CNN, ai tregon se i është dashur të punojë në luftë me kohën për të realizuar dokumentin. “Ka qenë pak e vështirë, për arsye se kam menduar se do të kem 1 javë kohë për të kaligrafuar në pergamenë. Por nuk pata kohë. Shumë u shqetësova dhe kisha vetëm pak orë. Diku pas mesnatës e pashë që ndoshta do të dështoj, sepse ishte teksti i gjatë. Duhet të lija vend për Presidentin, Kryeministrin, kryetarin e Kuvendit dhe 120 nënshkrimet e parlamentarëve... Në një moment i them djalit, “më duket do të dështoj”. Ai më dha mbështetje të fortë dhe më tha që nuk do ta lejojmë të dështosh”, tregon ai. (A2 Televizion)