Nancy Pelosi rizgjidhet për të udhëhequr Demokratët në Dhomë

Nancy Pelosi u rizgjodh për të udhëhequr Demokratët në Dhomë gjatë zgjedhjeve virtuale që u zhvilluan, të mërkurën.

"Urime Nancy Pelosi, edhe një herë e zgjedhur nga Demokratët e Dhomës për të qenë udhëheqësi ynë i patrembur dhe i nominuari për Kryetar i Dhomës për Kongresin e 117-të", shkroi në Twitter  Dhoma e Demokratëve.

Fakti që Pelosi pritet të mbetet si kryetare është një shenjë se sa i fortë është qëndrimi i saj ndaj Demokratëve të Dhomës edhe pasi ata pësuan humbje zhgënjyese në zgjedhjet e vitit 2020.

Demokratët e Dhomës së Lartë kishin parashikuar me besim se do të zgjeronin shumicën e tyre vetëm për të parë një numër pushtetarësh të dëbuar nga Republikanët.

Këto humbje Demokratike kanë shkaktuar luftë të tensionuar mes të moderuarve dhe progresistëve me të dyja fraksionet e partisë. Kjo përçarje dhe një shumicë më e vogël, mund të krijojnë sfida të reja për Pelosin, ndërsa ajo drejton Demokratët e Dhomës në Kongresin e ardhshëm.

Pelosi ka qëndruar sfiduese edhe pas humbjeve, duke u thënë gazetarëve javën e kaluar, "Unë marr meritat për fitimin e shumicës dhe mbajtjen e Dhomës".

Ajo do të mbajë një konferencë në orën 12:30 për të diskutuar lidershipin. (A2 Televizion)