NASA ka lëshuar me sukses një raketë nga Wallops Flight Facility në Virxhinia, duke ofruar një shfaqje në qiell të shtunën në mbrëmje. Raketa u lëshua në mesnatë dhe nisja ishte vendosur të ishte e dukshme në rajonet bregdetare nga Karolina e Veriut në Nju Jork, nëse moti e lejonte.
Shkencëtarët shpresojnë se raketa do të ofrojë më shumë informacion mbi burimin e rrezeve të buta X, të cilat "udhëtojnë drejt Tokës nga diku tjetër në galaktikën tonë", thuhet në njoftim.
Rrezet e buta X nuk janë të dëmshme për njerëzit, por ato mund të shqetësojnë komunikimet me radio dhe sistemet GPS, tha NASA. Ato kanë energji më të ulët se rrezet X që përdoren në fushën mjekësore.
Shkencëtarët mendojnë se këto rreze X vijnë nga dy burime, tha Massimiliano Galeazzi, hetuesi kryesor për misionin nga Universiteti i Miami, Florida.
"Burimi i parë ndodhet jashtë sistemit tonë diellor dhe është krijuar nga mbetjet e shpërthimeve të shumëfishta të supernovës që formojnë atë që tani quhet rajoni Local Hot Bubble i galaktikës sonë," tha Galeazzi në njoftim.
"Burimi i dytë është brenda sistemit diellor dhe gjenerohet nga shkëmbimi i ngarkesës së erës diellore."
Nisja ishte planifikuar për në fillim të kësaj jave, por u shty për shkak të kushteve të motit. (A2 Televizion)
A2 CNN Livestream
MUND TE LEXONI GJITHASHTU
