Kancelarja gjermane, Angela Merkel, ka vizituar opozitarin rus, Aleksei Navalny gjatë qëndrimit në spitalin “Charite” të Berlinit. Konfirmimi erdhi nga vetë 44-vjeçari, i cili tha se kjo vizitë e Merkel nuk ishte sekrete, por private dhe shtoi se liderja gjermane kishte biseduar me familjen e tij.
Navalny falënderoi Merkel për vizitën e saj, ndërsa qeveria gjermane nuk ka komentuar episodin në fjalë. Lideri i opozitës ruse u trajtua në Berlin për disa javë pasi ra në koma në një aeroport të Siberisë.
Qeveria e Merkel konfirmoi se Navalny ishte helmuar me agjent nervor Novichok dhe i kërkoi Rusisë shpjegime. Kremlini mohon çdo përfshirje dhe nuk ka pranuar të nisë një hetim për ngjarjen. (A2 Televizion)
A2 CNN Livestream
MUND TE LEXONI GJITHASHTU
