Pandemia e koronavirusit i ka shkaktuar vdekjen një tjetër mjeku në Shqipëri.
Mësohet se mjeku, Astrit Haziri, nga Kukësi, rezultoi pozitiv me koronavirus disa ditë më parë ndërkohë u dërgua në Turqi për kurim. Fatkeqësisht, 54-vjeçari nuk arriti që të fitojë betejën me pandeminë.
Ai ka punuar si mjek i përgjithshëm në spitalin rajonal të Kukësit dhe si mjek familje, në spitalin bashkiak të Hasit.
Po ashtu, Haziri ka qenë edhe Kryetari i Këshillit Bashkiak Kukës në përiudhën 2003-2007.
Kujtojmë se, Haziri është mjeku i dytë që ndërron jetë për shkak të COVID-19 në qarkun e Kukësit. Më herët, në muajin gusht ndërroi jetë pas infektimit, mjeku Tropojan, Anibal Byberi. (A2 Televizion)
A2 CNN Livestream
MUND TE LEXONI GJITHASHTU
