Ndeshje e “çmendur”, PSG barazon por pëson 4 gola nga e parafundit në klasifikim

Nga A2 CNN
15 Shkurt 2020, 20:10 | Futboll
Ndeshje e “çmendur”, PSG barazon por pëson 4 gola nga e

PSG me shumë mundësi do të fitojë edhe këtë vit kampionatin francez, duke marrë në konsideratë distancën nga vendi i dytë i Marsejës, por sot nuk e ka shmangur dot një figurë të keqe ndaj modestëve të Amiens, që mund të ishte edhe një disfatë historike për kryeqytetasit.

Një minutë para përfundimit të pjesës së parë, Amiens i vendit të parafundit dhe me 41 pikë më pak se PSG e “yjeve”, po triumfonte 3-0 falë golave të bukur të Kakuta dhe Diabate.

Goli për kampionët e Francës i mesfushorit spanjoll Herrera në sekondat e fundit të pjesës së parë ndryshon komplet inercinë e përballjes, me PSG që shënon tre herë me Kouassi dhe me Mauro Icardin, që po përgatitej të shndërrohej në “heroin” e ndeshjes pas shumë kritikash në muajin e fundit.

Por fitorja do të ishte e tepërt, dhe nga një gabim i kolegut-rival të tij Cavani lind kundërsulmi që i dhuron Amiens një pikë të artë dhe që mund ta ndihmojë në luftën për mbijetesë, ndërkohë që PSG duhet të mësojë leksionin tani që Champions po afron. (A2 Televizion)

A2 CNN Livestream

Latest Videos