Kualifikim i çmendur i Barcelonës në Kupën e Mbretit. Rezultati final i ndeshjes me Granada është 5-3 në favor të katalanasve, por rrjedha e takimit çerekfinal është me të vërtetë dramatike.
Katalanasit ishin në disavantazh të dy golave deri në minutën e 88, duke krijuar përshtypjen e një tjetër humbjeje të bujshme, por, në sekondat e fundit, Antoine Griezmann dhe Jordi Alba gjetën forca për të barazuar rezultatin e për ta dërguar ndeshjen në shtesë.
Sërish Griezmann i jep avantazhin skuadrës së Koeman që, megjithatë, barazohet brenda një kohe të shkurtër nga një 11-metërsh i saktë i Granada.
Por, Barça ka motivimin dhe moralin në maksimum e për rrjedhojë De Jong e Jordi Alba kthehen edhe një herë në heronj, duke shmangur turpërimin e duke siguruar një vend në gjysmëfinale. (A2 Televizion)
A2 CNN Livestream
MUND TE LEXONI GJITHASHTU
