Në Katar është duke u mbyllur faza e parë e Kampionatit Botëror, ajo e grupeve dhe tashmë jemi njohur me të gjitha kombëtaret dhe lojtarët e tyre.
Ndoshta jeni befasuar kur komentatorët kanë përmendur mbiemra të cilët i keni dëgjuar vite më parë në futboll. Bëhet fjalë për djemtë e tyre. Në Katar po luajnë 6 futbollistë, baballarët e të cilëve kanë marrë pjesë vite më parë në kampionatet botërore. (A2 Televizion)
Kasper Schmeichel, portieri i Danimarkës, është djali i Peter Schmeichel. Peter ishte pjesë e skuadrës së Danimarkës që luajti në Kupën e Botës në vitin 1998 ku arritën në çerekfinale. Ai ishte kapiteni i Manchester United dhe konsiderohet si një nga portierët më të mëdhenj në historinë e Premier League.Marcus Thuram, pjesë e kombëtares së Francës, është djali i legjendës franceze Lilian Thuram, i cili ka luajtur me kombëtaren nga viti 1994 deri në vitin 2008. Ai ishte pjesë e Kombëtares së francës kur ata fituan Kupën e Botës në vitin 1998.Timothy Weah, i cili përfaqëson Shtetet e Bashkuara në Kupën e Botës në Katar, është djali i presidentit të Liberisë dhe ish-futbollistit George Weah, i cili përfaqësoi Liberinë nga viti 1986 deri në 2002, por skuadra nuk u kualifikua për një Kupë Botërore gjatë asaj kohe. George Weah gjithashtu luajti për Paris Saint-Germain, AC Milan dhe Chelsea dhe fitoi Topin e Artë në 1995.Giovanni Reyna, djali i ish-futbollistit të Manchester City, Claudio Reyna, përfaqëson Shtetet e Bashkuara në Kupën e Botës të Katarit. Babai i tij luajti për SHBA në Kupat e Botës 1998, 2002 dhe 2006.Kapiteni i Ganës, André Ayew dhe vëllai i tij, futbollisti Jordon Ayew janë djemtë e Abedi Pele, i cili konsiderohet si një nga futbollistët më të mëdhenj afrikanë të të gjitha kohërave.Daley Blind, mbrojtësi holandez i Ajax-it, është djali i Danny Blind i cili kishte luajtur për ekipin kombëtar nga viti 1986 deri në 1996. Ai ka luajtur në dy botërorë, në 1990 dhe 1994.
