Një nëndetëse e panjohur nga flota iraniane u identifikua gjatë stërvitjes raketore detare të Marinës ushtarake të Teheranit 'Eqtedar-99'. Stërvitja u krye në brigjet e Makran, në Gjirin e Omanit dhe në veri të oqeanit Indian dhe përfundoi sot.
Kjo u deklarua nga Forcat e Armatosura iraniane, sipas së cilës nëndetësja, origjina e së cilës nuk përcaktohet, do të ishte përpjekur t'i afrohej zonës së manovrimit, por do të ishte larguar pasi të identifikohej nga helikopterët e mbikëqyrjes.
Sipas ushtrisë, stërvitja përfundoi me sukses, duke testuar gjithashtu edhe raketa nëndetëse dhe silurë. Transportuesi i helikopterëve Makran mori pjesë në 'Eqtedar-99', anija më e madhe ushtarake e ndërtuar ndonjëherë në Republikën Islamike, e aftë të mbajë deri në 7 helikopterë dhe të mbështesë flotën në ujërat e largëta, veçanërisht në Detin e Kuq, në Oqeanin Indian dhe ngushticën Bab el-Mandeb. (A2 Televizion)
A2 CNN Livestream
MUND TE LEXONI GJITHASHTU
