Në ditën e tretë të protestës kundër rritjes së çmimeve të produkteve ushqimore dhe naftës, protestuesit e mbledhur sërish sot në orën 17:00 janë zhvendosur rreth orës 19:00 në rrugët e e kryeqytetit.
Ata kaluan në Rrugën e Durrësit dhe u vendosën për disa minuta te "Zogu i zi", ndërsa të gjitha makinat në këtë rrugë u fikën në shenjë proteste nga drejtuesit e mjeteve.
Edhe pse policia ishte me forca të shumta përballë protestuesve, nuk pati incidente dhe përplasje, siç ndodhi ditët e mëparshme.
Protesta janë zhvilluar në të gjithë vendin, ndërsa deri më tani janë shoqëruar dhe arrestuar gjithsej 100 persona.
Nesër, në orën 11:00, pritet të mbahet protesta e radhës. (A2 Televizion)
A2 CNN Livestream
MUND TE LEXONI GJITHASHTU
