Kur skiatorët të dalin në pistën e Lojërave Olimpike të Pekinit, ata do ta bëjnë këtë në dëborë artificiale. Për të huajt, ideja e organizimit të skive në Yanqing, në një zonë kryesisht të pabanuar në veri të kryeqytetit kinez, ku reshjet e borës janë shumë të pakta, mund të duket e pazakontë.
Qendra Kombëtare e Skive Alpine është e krijuar në mënyrë artificiale, në një luginë të panjohur. Lugina dhe kodrat ku ngrihet tashmë pista e skive, dikur ishin pjesë e Rezervës Natyrore Kombëtare Songshan. Mijëra litra ujë janë përdorur për të krijuar borën jonatyrore.
Një varg makinash i transporton skiatorët deri në shpatet e këtyre kodrave, duke shijuar luksin e sediljeve me ngrohje, në një zonë ku temperaturat shkojnë deri në minus 15 gradë celsius.
Megjithatë, sado i pabesueshëm të duket, koncepti i ndërtimit të pistave dhe përdorimit të borës artificiale nuk është diçka e re dhe e paprovuar më parë, në raste të tilla. (A2 Televizion)
A2 CNN Livestream
MUND TE LEXONI GJITHASHTU
