Belind Këlliçi, kandidati për primaret brenda Partisë Demokratike, për të qenë ai propozimi i opozitës për Bashkinë e Tiranës, ishte i ftuar në studion e “Debat” me Alba Alishanin, në A2 CNN.
“Unë e kam komoditetin politik, por gjykoj që duhet të jap gjithçka nga vetja dhe të mos mbetem dëshmitar i shkatërrimit të qytetit tim, siç ka ndodhur në këto 8 vite. Ndërmarr një hap me risk të jashtëzakonshëm, edhe duke lënë mandatin, por kam bindje të plotë se do t’ia dal për shkak të modelit që ofroj. Politikanët tanë, përfshirë edhe Erjon Veliajn, jetojnë në periferi, aty ku ajri është më i pastër, ka më shumë hapësira, ku nuk ka zhurmë dhe shumë herë më pak beton. Unë jetoj në qendër të Tiranës, jam lindur e rritur në “Myslym Shyri”, prindërit i kam ende aty dhe vetë jetoj 7 minuta larg tyre. Nuk kam ndërmend të marr vila jashtë Tiranës dhe të pasurohem në kurriz të qytetarëve”, tha Këlliçi.
“Aksioni im politik më avantazhon që të jem në “pole position” në raport me çdo kandidaturë tjetër. Unë kam qenë një nga zërat më vokal për aferat, jam përballur me kryebashkiakun dhe kryeministrin, kam dy vite e gjysmë që flas për inceneratorët, kam shkuar disa herë në SPAK, jam arrestuar kur është shembur Teatri Kombëtar... mendoj se kjo më avantazhon. Kam qenë opozitar dhe e kam treguar gjithmonë, duke e sulmuar modelin Veliaj”, shtoi deputeti demokrat. (A2 Televizion)
A2 CNN Livestream
MUND TE LEXONI GJITHASHTU
