Paketa anti-KÇK e miratuar së fundmi nga qeveria shqiptare, e cila parashikon një luftë më të fortë kundër krimit të organizuar dhe parave të tyre, ka marrë së fundmi dhe mbështetjen e Shteteve të Bashkuara dhe Bashkimit Europian.
Përmes deklaratave për shtyp, të cilat shkojnë në të njëjtën linjë, SHBA dhe BE mbështesin aktin normativ, të miratuar në mbledhjen e fundit të qeverisë kundër krimit të organizuar dhe kërkojnë që ai të mbështesë organet e reja të drejtësisë, në veçanti SPAK, dhe të jetë në përputhje të plotë me shtetin e së drejtës.
Deklarata e SHBA
“Ndërsa vazhdon zbatimi i reformave të rëndësishme të drejtësisë, Shtetet e Bashkuara mirëpresin përpjekjet e intensifikuara nga Qeveria e Shqipërisë për të parandaluar krimin e organizuar që të përdorë pasurinë e paligjshme për të minuar themelet e shtetit ligjor. Mekanizmat e përforcuar për zbatimin e ligjit duhet edhe të mbështesin institucionet e reja të drejtësisë të ngarkuara me ndjekjen penale të krimit të organizuar, edhe të harmonizohen me standardet e procesit të drejtë ligjor. Ne do të vazhdojmë ta ndjekim zbatimin e këtij ligji me interes te madh”.
Deklarata e delegacionit të BE
“Ndiq paratë” është provuar se është një nga mënyrat më efektive për të goditur organizatat kriminale. Ligji special i miratuar nga Qeveria Shqiptar i cili sjell masa të reja parandaluese për të fuqizuar luftën kundër krimit të organizuar tregon vullnet politik për të adresuar këtë çështje. Ne do të ndjekim nga afër implementimin e këtij akti normative. Është me rëndësi absolute që masat e reja ligjore të implementohen në respekt të plotë me të drejtat themelore të të akuzuarve dhe në zbatimit të principeve të shtetit të se drejtës. Është e nevojshme që këto masa të reja të ndiqen përmes institucioneve të krijuara nga reforma në drejtësi, në veçanti SPAK. Ne vijojmë të inkurajojmë qeverinë shqiptare të rrisë përpjekjet për implementimin e plotë të reformës në drejtësi dhe të fuqizojë shtetin e së drejtës” (A2 Televizion)
A2 CNN Livestream
MUND TE LEXONI GJITHASHTU
