Titulli kampion në Kategorinë Superiore do të përcaktohet në javën e fundit, ndërsa tashmë është Partizani ai që është ngjitur në krye dhe ka gjithçka në dorë në takimin e fundit ndaj Teutës.
Demat e Kuq fituan 1-4 në transfertë ndaj Kastriotit, duke mos e vënë asnjëherë në diskutim fitoren. Në anën tjetër, Tirana ngeci në një barazim 2-2 ndaj Bylisit, me një penallti të kthyer në gol nga ballshiotët, e cila u kundërshtua gjatë nga bardheblutë.
Pas përfundimit të takimit, një pjesë e tifozëve bardheblu u futën në fushën e lojës, në stadiumin e Rrogozhinës, aty ku u zhvillua ndeshja dhe tentuan të godisnin arbitrin Kridens Meta, i cili u shoqërua në dhomat e zhveshjes nga policia.
Tashmë, Partizani dhe Tirana janë në kuotën e 64 pikëve, por “Demat e Kuq” janë në krye pasi ka arritur të fitojnë në të dyja ndeshjet direkte. Javën e fundit, më 29 maj, Partizani do të presë Teutën dhe një fitore ndaj durrsakëve do t’i shpallte kampion, ndërsa Tirana do të luajë në transfertë ndaj Erzenit. (A2 Televizion)
A2 CNN Livestream
MUND TE LEXONI GJITHASHTU
