Partia Demokratike ka emëruar Roland Bejkon si drejtues politik në Gjirokastër. Vendi u mor pas përjashtimit të Tritan Shehut nga PD-ja, pas protestës së 8 janarit.
“Në mbështetje të nenit 33 të Statutit të Partisë, ju informoj se Kryetari i Partisë ka caktuar si Drejtues Politik të qarkut Gjirokastër, anëtarin e Kryesisë së PDSH z. Roland Bejko. Në këtë mënyrë z. Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku”, thuhet në një njoftim dërguar kryetarëve të degëve nga sekretari i përgjithshëm i PD-së, Gazment Bardhi.
Më herët, PD-ja emëroi nënkryetarin Enkelejd Alibeaj si drejtues politik në Shkodër, pas dorëheqjes nga ky post i Helidon Bushatit.
Ndryshimet vijnë kur ka mbetur pak më shumë se një muaj nga mbajtja e zgjedhjeve vendore të pjesshme në 6 bashki të vendit, në Shkodër, Durrës, Vorë, Dibër, Mallakastër dhe Lushnjë. (A2 Televizion)
A2 CNN Livestream
MUND TE LEXONI GJITHASHTU
