Partia e Lirisë ka reaguar sërish për rritjen e çmimeve në vend. Sekretari i Përgjithshëm Tedi Blushi ka publikuar të dhënat e doganave, sipas të cilave konsumi i karburanteve është ulur ndjeshëm. Sipas tij këto janë efektet rrënuese për ekonominë dhe turizmin.
Postimi i Blushit:
Konsumi i karburanteve, sipas të dhënave nga vetë Doganat, është tkurrur ndjeshëm në muajin korrik, duke zbritur në nivelin e vitit 2020, kur vendi vuante nga kufizimet për shkak të pandemisë.
Këto janë pasojat e makutërisë së kryeoligarkut të naftës Edi Rama, me çmimet qiellore të karburantit, që vetë i kontrollon dhe po vetë i vendos, me Bordin e vjedhjes së qytetarëve.
Nëse artistit që vjedh çdo ditë me çmimin e karburanteve nuk i pëlqejnë të dhënat e Doganave, atëherë duhet të pranojë se kontrabanda e naftës, që e garanton shteti dhe prej së cilës ai është përfituesi kryesor, është në nivelin 50%. (A2 Televizion)
A2 CNN Livestream
MUND TE LEXONI GJITHASHTU
