Postieri vret vogëlushin 18-muajsh se e “irritoi”, e pëson edhe nëna e djalit për dhunë mizore

Një postier që vrau vogëlushin e të dashurës së tij pasi u “irritua” me të, është burgosur për vrasje nga pakujdesia. Scott Coombe sulmoi në mënyrë të përsëritur 18-muajshin, Andrew Cawker gjatë një viti pasi u transferua në banesën e Tamika Beaton në Londrën juglindore, përpara se t'i shkaktonte një dëmtim fatal në kokë djalit.

Beaton, 25 vjeç, dyshoi se djali i saj po abuzohej, por zgjodhi të mos ndërhynte apo të kërkonte ndihmë. Andrew vdiq pasi u trondit fuqishëm dhe u hodh nga Coombe, i cili ishte "irrituar" me kujdesin për të, ndërsa Beaton ishte në një klasë kërcimi në korrik 2019.

Vogëlushi nuk e rifitoi kurrë vetëdijen pasi koka e tij u përplas në dysheme dhe ai vdiq në spital dy javë më vonë. Në Old Bailey të premten, Coombe u burgos për nëntë vjet pasi pranoi vrasjen nga pakujdesia, mizorinë e fëmijëve dhe sulmoi vogëlushin në tre raste.

Një ekzaminim pas vdekjes zbuloi se fëmija vdiq nga një dëmtim në kokë, ndërsa disa mavijosje të tjera u identifikuan rreth fytyrës dhe shpatullës së tij. Gjatë hetimit të policisë, detektivët gjetën fotografi dhe mesazhe që dokumentonin lëndimet e Andrew në telefonat e Coombe dhe Beaton. (A2 Televizion)