6 nëntori ishte afati përfundimtar për të depozituar kandidaturat për primaret e demokrateve për bashkinë e Tiranës, Durrësit dhe Elbasanit. Por këto 2 të fundit nuk ndoqën ritmin e kryeqytetit dhe sot ato nuk kanë kandidatë të zyrtarizuar, ndaj afati është shtyrë deri më datë 8 nëntor.
Për Bashkinë e Elbasanit 2 kandidaturat e mundshme pritet të zyrtarizohën nesër me kreun e degës, Bledi Himçi dhe ish-kryetarin Aurel Bylykbashi.
Edhe në Durrës kërkon të garojë për Bashkinë kryetari i degës Igli Cara. Në primare pritet të ketë përballë Ardian Mukën, ish-kandidatin e "rithemelimit'' të PD për zgjedhjet e pjesshme të 6 marsit për Bashkinë Durrës. Në primaret e Tiranës zyrtarizuan kandidaturën deri këtë të diel Belind Këlliçi, Gert Bogdani, Ilir Alimehmeti dhe Adriana Kalaja. (A2 Televizion)
A2 CNN Livestream
MUND TE LEXONI GJITHASHTU
