Unioni Kristiandemokrat në Gjermani është përfshirë nga një krizë e brendshme. Annegret Kramp-Karrenbauer, kryetare e CDU të kancelares Angela Merkel, nuk do të garojë në zgjedhjet federale të vitit të ardhshëm.
Ajo shikohej si një trashëgimtare natyrale e Merkel, por sipas një burimi të cituar nga mediat gjermane, Karrenbauer ka vendosur të largohet dhe nga drejtimi i partisë. Gjithmonë sipas burimit, Merkel dëshiron që pasuesja e saj të qëndrojë ministre e Mbrojtjes deri në fund të mandatit.
Vendimi i 57-vjeçares është një pasojë e qartë e dobësisë së saj në lidership, që u shndërrua në një rast konkret me zgjedhjet lokale në rajonin e Turingjisë.
Kandidati i koalicionit të CDU u zgjodh guvernator me votat e ekstremit të djathtë, Alternativa për Gjermaninë. Kjo shkaktoi zemërim të madh tek banorët, ndërsa guvernatori dha dorëheqjen vetëm 24 orë pas zgjedhjes. (A2 Televizion)
A2 CNN Livestream
MUND TE LEXONI GJITHASHTU
