Kosova dhe Serbia shënojnë progres në normalizimin e marrëdhënieve. Pohimi vjen nga përfaqësuesi special i Bashkimit Europian për dialogun, Miroslav Lajçak, pas takimit të nivelit të lartë mes palëve.
Zyrtari i Brukselit njoftoi se diskutimi i radhës do të jetë për dëmshpërblimet financiare dhe për pronën.
“Diskutuam për herë të parë, si pjesë e negociatave për një marrëveshje gjithëpërfshirëse, ligjërisht të detyrueshme, një ujdi për komunitet, jo shumicë dhe gjithashtu arritjen e një zgjidhje të përbashkët për pretendimet financiare dhe pronën. Ky ishte shkëmbimi i parë që na lejoi ne të përcaktojmë hapat e radhës në diskutimet tona.
Takimi i ardhshëm do t’i dedikohet këtyre dy çështjeve. Negociatat tona ishin intensive, si zakonisht dhe jo gjithmonë të lehta, por ajo që mbizotëroi ishte dëshira e palëve për të bërë përparim në diskutime, pavarësisht çështjes së dhimbshme dhe të ndërlikuar”, tha Lajçak. (A2 Televizion)
A2 CNN Livestream
MUND TE LEXONI GJITHASHTU
