Protesta e fermerëve të Lushnjës sillet në Kuvend nga deputeti Koreshi

Deputeti, Saimir Koreshi, iu bashkua në protestë këtë të hënë bujqve të Lushnjës, të cilët protestojnë për paketën fiskale dhe më shumë subvencione.

Më pas, Koresha mbërriti në Tiranë duke e çuar shqetësimin e tyre edhe në Parlament, aty ku është duke u mbajtur seanca për diskutimin e projektbuxhetit 2022.

Më herët, reagoi edhe presidenti Meta, duke i bërë thirrje qeverisë që të dëgjojë kërkesat e bujqve dhe të vlerësojë propozimet e bëra.

“Me shumë vëmendje po përcjell protestat e fermerëve të Myzeqesë dhe trevave përreth. I njohur me kërkesat e tyre për përmirësimin e paketës fiskale në lidhje me bujqësinë, theksoj rëndësinë e vendosjes sa më parë të dialogut, për vlerësimin nga ana e Qeverisë të propozimeve, që ata kanë bërë.

Mbështetja e sektorit të bujqësisë, jetik për ekonominë e vendit, si dhe dëgjimi i zërit të fermerëve është i domosdoshëm”, shkruan Meta. (A2 Televizion)