Ligjvënësit gjermanë kanë miratuar një propozim të qeverisë së kancelares Angela Merkel për të vendosur kufizime automatike dhe uniforme në zonat ku koronavirusi po përhapet shumë shpejt.
Por kjo ka shkaktuar protesta në Berlin, ku policia u përplas me demonstruesit pranë ndërtesës Reichstag përpara votimit. Masat kufizuese kanë shkaktuar polemika në vend prej 12 muajsh ndryshimi të rregullave të distancës sociale.
Propozimet e reja përfshijnë një shtetrrethim të vendosur menjëherë nga ora 10:00 deri në 5 të mëngjesit dhe mbylljen e objekteve sportive dhe të kohës së lirë, si edhe dyqaneve, në zonat ku raportohen 100 raste të reja javore për 100,000 banorë. Shkollat gjithashtu do të duhet të kalojnë në mësimin në distancë me një normë më të lartë 165.
Propozimi synon të harmonizojë masat e ndryshme të marra nga 16 shtetet e Gjermanisë për pjesën më të madhe të pandemisë. Por disa analistë gjermanë e kanë qortuar atë si një lëvizje për të përqendruar pushtetin në Berlin.
Shkalla mbarëkombëtare e infeksionit me koronavirus në Gjermani qëndroi në 160 raste të reja për 100,000 banorë të mërkurën, megjithëse kishte variacione të gjera rajonale. (A2 Televizion)
A2 CNN Livestream
MUND TE LEXONI GJITHASHTU
