Protesta në Himarë, Ylli Manjani: Në kartëmonedhat e kapura nuk ka gjurmë të Belerit

Nga A2 CNN
14 Gusht 2023, 19:06 | Politikë
Protesta në Himarë, Ylli Manjani: Në kartëmonedhat e kapura

Ish-ministri Ylli Manjani vijon ta cilësojë si një ngjarje të rëndë për shtetin e së drejtës, arrestimin dhe mbajtjen në paraburgim të Fredi Belerit.

Në protestën e zhvilluar në qytetin e Himarës, Manjani zbuloi një fakt sipas tij, që në kartëmonedhat e sekuestruara natën e arrestimit, nuk është gjetur asnjë gjurmë gishtërinjsh e Fredi Belerit.

“Në fund të ditës jam avokat dhe dua t’ju siguroj se arrestimi dhe mbajtja në paraburgim është një ngjarje e rëndë për shtetin e së drejtës në Shqipëri. E arrestuan me pretendimin në flagrancë. Unë e kam parë dhe ajo vetëm flagrancë nuk është. Në flagrancë është kapur policia e shtetit. Mëshirojeni dëshmitarit se është vëllai juaj. Kartëmonedhat nuk kanë dalë nga dora e Belerit. Asnjë gjurmë nuk u gjet në ato 4 monedhat e qelbura. Ato janë monedhat e korrupsionit të qeverisë”, tha Manjani. (A2 Televizion)

A2 CNN Livestream

Latest Videos