Dhjetëra protestues u mblodhën të martën para transmetuesit shtetëror serb RTS, duke valëvitur flamuj palestinezë dhe duke akuzuar Izraelin për mizori në Gaza, ndërsa kërkonin që vendi ballkanik të tërhiqet nga Eurovizioni për shkak të pjesëmarrjes së Izraelit.
Konkursi kryesor i këtij viti, me 35 vende pjesëmarrëse, është planifikuar të mbahet nga 12 deri më 16 maj në Vienë. Serbia, e cila ka lidhje të ngushta me Izraelin, do të përfaqësohet nga Lavina, një grup metal me gjashtë anëtarë, përcjell A2CNN.
Ky konkurs synon të vendosë muzikën pop përpara politikës, por shpesh është përfshirë në ngjarje botërore. Rusia u përjashtua në vitin 2022 pas pushtimit të plotë të Ukrainës. Vendimi për të lejuar Izraelin të konkurrojë nxiti largimin e Sllovenisë, Islandës, Irlandës, Holandës dhe Spanjës.
RTV Slovenia njoftoi se do të transmetojë një program palestinez gjatë kohës së zhvillimit të Eurovizionit. (A2 Televizion)
A2 CNN Livestream
MUND TE LEXONI GJITHASHTU
