Lideri koreano-verior Kim Jon Un, i cilësoi si kërcënim në rritje për vendin, kapacitetet bërthamore të Shteteve të Bashkuara. Këtë deklaratë e bëri teksa vizitoi bazat raketore, e ku sipas agjencisë shtetërore të lajmeve KCNA, vlerësoi gatishmërinë e tyre për “parandalim strategjik”.
“Arsenali strategjik bërthamor përbën një kërcënim në rritje për sigurinë e vendit dhe këto kërcënime afatgjata kërkojnë një pozicionim të plotë e strikt të forcavë bërthamore të Penianit”, citohet të ketë thënë Kim Jong Un nga media shtetërore, transmeton A2.
Diktatori koreano-verior bëri gjithashtu thirrje për modernizimin e Forcave të Armatosura duke i dhënë prioritet forcës strategjike raketore në të ardhmen, për të cilën tha se është një parim i rëndësishëm për strategjinë e ndërtimit të mbrojtjes kombëtare.
Vizita e tij në baza vjen mes tensioneve në rritje me Korenë e Jugut dhe aleatët e saj. Këtu përfshihen edhe shqetësimet mbi dërgimin e trupave të Koresë së Veriut në luftën ruse në Ukrainë, një pretendim të cilin Peniani e mohon, raporton A2.
Por video të ushtarëve koreanë që trajnohen në lindjen e largët të Rusisë, e kanë konfirmuar shqetësimin. Ligjvënësit në Seul thanë të mërkurën se Koreja e Veriut kishte dërguar 3 mijë trupa në rusi, dy herë më shumë nga sa ishte vlerësuar paraprakisht. Sipas tyre, Peniani ka premtuar në total 10 mijë trupa dhe dërgimi i tyre pritet të përfundojë në muajin dhjetor. (A2 Televizion)
A2 CNN Livestream
MUND TE LEXONI GJITHASHTU
