Konsumatorët e energjisë elektrike në Gjermani po përballen me shumë probleme. Ndërsa koalicioni qeverisës në Berlin po përballet me një tjetër sprovë të re. Arsyeja: e ashtuquajtura zonë ofertimi për energjinë elektrike.
Kjo siguron që energjia elektrike të ketë të njëjtin çmim për klientët e mëdhenj në të gjithë vendin, që është një problem serioz, sipas mendimit të eksprtëve.
Kërkesa e tyre: çmimet e energjisë elektrike duhet të bazohen tek oferta dhe kërkesa. Aty ku prodhohet energji elektrike e gjelbër, përkatësisht në landet veriore, bregdetare, oferta tejkalon kërkesën. Këtu sipas tyre duhet të ulet çmimi i energjisë elektrike. Megjithatë, në landet e tjera, më industriale, kërkesa tejkalon ofertën - këtu çmimi i energjisë elektrike duhet të rritet.
Kjo, sigurisht, do të shënonte fundin e zonës së ofertimit për energji elektrike në formën e saj aktuale: Ajo ose do të hiqej ose do të zëvendësohej nga një sistem me disa zona të ndryshme. Por shumë faktorë me ndikim në Gjermani duan të qëndrojnë me modelin aktual, siç janë operatorët e rrjetit elektrik ose Shoqata Gjermane e Industrive të Energjisë dhe Ujit (BDEW).
Çmimet e energjisë si frenim për ekonominë
Përfaqësuesit e industrisë thonë se problemi duhet të zgjidhet sa më shpejt të jetë e mundur, pasi çmimet e larta të energjisë elektrike në Gjermani kërcënojnë të dëmtojnë edhe më shumë ekonominë e dobët. Një shembull është industria e çelikut. Prodhimi i çelikut të papërpunuar në industri ra me pothuajse 12 përqind në 17.1 milion ton në gjashtë muajt e parë, sipas Shoqatës së Industrisë së Çelikut me seli në Berlin.
Komisioni i BE-së pretendon se ka identifikuar një rrugë për të ulur çmimet e energjisë elektrike për industrinë: Larg zonës së ofertave të energjisë elektrike që zbatohet në Gjermani dhe Luksemburg! Edhe katër krerë qeverish nga landet veriore të Gjermanisë mendojnë kështu: Peter Tschentscher (SPD) nga Hamburgu, Daniel Günther (CDU) nga Schleswig-Holstein, kryetari i bashkisë së Bremenit, Andreas Bovenschulte (SPD), dhe kryeministri i shtetit të Brandenburgut, Dietmar Woidke (SPD), e kërkuan këtë në një intervistë me Handelsblatt më 13 gusht.
Kjo duket se po hap një burim të ri konflikti brenda qeverisë dhe koalicionit CDU/CSU dhe SPD. A duhet të bien çmimet në Gjermaninë veriore, ndërsa bavarezët duhet të paguajnë më shumë?
Kjo është e paimagjinueshme me CSU-në bavareze. Sidoqoftë, dy ditë më vonë, Ministria e Çështjeve Ekonomike lëshoi një deklaratë të prerë: "Siç u riafirmua në marrëveshjen e koalicionit, qeveria federale planifikon të ruajë zonën e vetme të çmimeve të energjisë elektrike në Gjermani".
BDEW (Shoqata Gjermane e Industrive të Energjisë dhe Ujit) beson se kjo është qasja e duhur. Në një deklaratë për DW, zëdhënësja e shoqatës, Katja Sandscheper, iu referua një studimi të porositur nga rregullatori i BE-së ACER, i cili zbuloi se "ideja e ndarjes së zonës së çmimeve të energjisë elektrike në Gjermani nuk është bindëse nga ana ekonomike".
Ekspertët mendojnë ndryshe
Por disa ekspertë besojnë se situata komplekse në tregun gjerman të energjisë elektrike duhet të reflektohet edhe në çmime. Në Gjermaninë veriore, ku prodhohet energjia elektrike e gjelbër (kryesisht nga energjia e erës), ajo është po aq e shtrenjtë sa në vendet ku nuk gjenerohet, por konsumohet në sasi më të mëdha: Gjermania jugore dhe perëndimore.
Për sa kohë që energjia elektrike e mjaftueshme nuk mund të transportohet në jug sepse kapaciteti i rrjetit nuk është ende i mjaftueshëm, klientët e mëdhenj atje duhet të kursejnë energji elektrike (gjë që është ekonomikisht e parealizueshme) ose të paguajnë një çmim më të lartë për energjinë e pastër. Kjo do të vazhdojë derisa "fizika e rrjetit" të lejojë transportimin e më shumë energjisë elektrike ose ata vetë të prodhojnë energji elektrike të gjelbër të mjaftueshme.
Leon Hirth për DW thotë: "Çmimi uniform i energjisë elektrike në të gjithë Gjermaninë shpesh çon në vendime që janë të pamundura për shkak të rrjetit dhe nuk kanë kuptim ekonomik." Ai beson se: "Vetëm çmimet lokale në tregun e energjisë elektrike mund ta përkthejnë në mënyrë kuptimplote dinamikën e rrjetit të energjisë elektrike në stimuj fleksibiliteti."
Andreas Löschel, Kryetar i Ekonomisë Mjedisore dhe të Burimeve në Universitetin Ruhr të Bochum, thotë për DW: "Në vitet e fundit, oferta dhe kërkesa në tregun e energjisë elektrike janë bërë gjithnjë e më të ndryshme. Kjo është arsyeja pse çmimet lokale dhe pabarazitë rajonale të çmimeve kanë kuptim."
Bernd Weber i Epico ankohet se debati për ndarjen e zonës së çmimit të energjisë elektrike është "shumë i politizuar dhe shpesh shumë shkurtpamës". Ai paralajmëron: "Nëse një ndarje - siç duket të jetë aktualisht rasti - është politikisht e parealizueshme, problemet strukturore kërcënojnë të vazhdojnë ose edhe të përkeqësohen."
Leon Hirth mendon se Gjermania nëse do të arrijë qëllimet e saj ambicioze ekonomike dhe klimatike, duhet të ketë një ndryshim të tregut të energjisë elektrike, e kjo përfshin çmimet lokale në tregun e energjisë elektrike. DW
(A2 Televizion)
A2 CNN Livestream
MUND TE LEXONI GJITHASHTU
