NATO ka vendosur të dërgojë rreth 10 anije për të ruajtur infrastrukturën e rëndësishme nënujore në Detin Baltik, që është dëmtuar në disa raste javët e fundit.
Kështu raporton gazeta finlandeze Yle, duke sqaruar se anijet do të qëndrojnë në det deri në prill dhe do të pozicionohen pranë kabllove të energjisë dhe të dhënave për të parandaluar mundësinë e një tentative sabotimi.
Vendimi për të rritur përfshirjen e NATO-s vjen pas incidenteve në Detin Baltik, më i fundit në Krishtlindje që çoi në këputjen e një kablloje elektrike midis Finlandës dhe Estonisë dhe katër kabllove të telekomunikacionit.
Incidenti shkaktoi shqetësim në Evropë, me Sekretarin e Përgjithshëm të NATO-s Mark Rutte, i cili u zotua të "përforcojë praninë ushtarake në Detin Baltik".
Finlanda aktualisht po kryen një hetim penal për cisternën e naftës Eagle S, pjesë e "flotës hije" të Moskës që shkel sanksionet, e cila dyshohet se ka shkaktuar dëmin. Autoritetet finlandeze thanë se gjetën një shenjë spirance që zvarritej në shtratin e detit, me sa duket nga anija e nisur për në Rusi.
Ndërkohë, Estonia nisi operacionin e saj detar për të mbrojtur kabllon Estlink-2 , e cila transporton energji elektrike midis Finlandës dhe Estonisë. (A2 Televizion)
A2 CNN Livestream
MUND TE LEXONI GJITHASHTU
