Një armëpushim i rënë dakord midis Iranit dhe Shteteve të Bashkuara në fillim të prillit ka shumë të ngjarë të përfundojë nëse sulmet izraelite ndaj Hezbollahut të mbështetur nga Teherani në Liban vazhdojnë, tha të hënën televizioni shtetëror iranian, pa dhënë detaje të mëtejshme.
Më parë, agjencia shtetërore iraniane e lajmeve Tasnim tha se Teherani po ndalonte negociatat indirekte me SHBA-në pasi Izraeli urdhëroi trupat e tij të shtyheshin më thellë në Liban, duke komplikuar përpjekjet diplomatike për t'i dhënë fund tri muaj luftë.
Nuk pati konfirmim të menjëhershëm të raporteve nga zyrtarët iranianë, ndërsa Presidenti i SHBA-ve Donald Trump i tha një gazetari të NBC-së se nuk kishte dëgjuar nga Irani për ndonjë pezullim të bisedimeve. Trump tha gjithashtu se shumë gjëra u thanë publikisht, duke shtuar: "Mendoj se heshtja do të ishte shumë mirë".
Në raportin e saj, Tasnim tha se ekipi negociator i Iranit po ndalonte shkëmbimin e mesazheve me Uashingtonin përmes ndërmjetësve lidhur me sulmet ndaj Libanit, ku lufta SHBA-Izrael kundër Iranit ka ringjallur konfliktin e Izraelit me Hezbollahun.
Ky veprim përbën një pengesë të mëtejshme për shpresat për një përfundim të shpejtë të krizës, pasi Irani tha se kishte sulmuar një bazë ajrore amerikane pas sulmeve amerikane të fundjavës ndaj objektivave ushtarake iraniane që vunë më tej presion mbi një armëpushim të brishtë.
(A2 Televizion)
A2 CNN Livestream
MUND TE LEXONI GJITHASHTU
