“Armët bërthamore amerikane janë këtu”, NATO përshëndet vendimin e Trump për trupat shtesë në Poloni

Shefi i NATO- s, Mark Rutte, përshëndeti njoftimin e Presidentit Amerikan, Donald Trump, për të dërguar 5 mijë trupa shtesë në Poloni.

Në nisje të një samiti të rëndësishëm me ministrat e Jashtëm të Aleancës, ai nënvizoi se tendenca është ende drejt një Europe më të fortë dhe më pak të varur nga Shtetet e Bashkuara për mbrojtjen e saj, shkruan A2.

“Kur e zmadhon pamjen, e sheh qartë trajektoren. Trajektorja është se aleatët europianë po shpenzojnë më shumë. E përmenda dje përsëri shembullin gjerman, por mund të përmendja shembullin holandez, shembullin polak. Kaq shumë shembuj në Europë, Suedia, ku jemi sot, tashmë duke arritur 5%, duke përfshirë shpenzimet bazë të mbrojtjes prej 3.5% deri në vitin 2030, pesë vjet përpara afatit. Dhe kjo është e nevojshme jo vetëm për të barazuar atë që po shpenzoni me Shtetet e Bashkuara, por edhe për t'u siguruar që kemi atë që na nevojitet për të penguar kundërshtarët tanë dhe mbrojtur, duke përfshirë kërcënimin tonë afatgjatë, që është Rusia. Dhe SHBA-të do të luajnë një rol kyç në Europë kur bëhet fjalë për armët bërthamore, por edhe kur bëhet fjalë për armët konvencionale. Por ajo që do të shihni në të ardhmen është një proces hap pas hapi ku europianët përparojnë më shumë, gjë që është me të vërtetë e rëndësishme. Amerikanët e pranojnë këtë. Dhe brenda këtij procesi, gjithmonë do të keni, sigurisht, vendime dhe njoftime që janë pjesë e trajektores afatgjatë”, tha Rutte. (A2 Televizion)